Հիմնադրվել է 1935 թվականին: Բուսաբանության այգու տարածքում հողամասի տարբեր մասերում ներկայացված են բույսերի մի շարք հետաքրքիր տեսակներ, ինչպես նաև դեղատու, տնտեսապես արժեքավոր բազմաթիվ այլ բույսերի տեսակներ։ Բացի այդ հողամասում ներկայացված են Հայաստանի մշակովի,վայրի բույսերի մոտ 200 տեսակ /30 ցեղից/:

Բուսաբանական այգում ստեղծված հարուստ ու բազմազան բուսական հավաքածուները ծառայում են որպես ուսումնական բազա հանրապետության կրթական հաստատությունների,մասնավորապես ԲՈՒՀ-երի տվյալ մասնագիտությամբ ուսանողների համար։

Երևանի բուսաբանական այգում մինչև 1992 թվականը գործում էր ջերմատուն, որտեղ ներկայացված էին արևադարձային և մերձարևադարձային բույսերի 1260 տեսակ։ Այժմ տեսականու թիվը հասնում է 300-ի։

Ներկայումս վարդանոցում առկա է 27 վարդի տեսակ:

Հողամասում ներկայացված են ինչպես լայն տարածում ունեցող, այնպես էլ անհետացող բուսատեսակներ:

Կան նաև շատ բուսատեսակներ, որոնք ներառվել են Կարմիր գրքում: